Per quel che posso
son stà ‘ssai atento,
(mio malgrado e senza saver perché)
a la conta dei primi al traguardo.
Prima e con distaco Dorina,
la mia sposa col N°75.
Seconda ex aequo, Bruna Marini
la sposa de mio fradel col N°76 (setantasie)
Terzo, Berto Sossi,
amico mio dileto col N°9l (novantaun).
Quarto, mio fradel Elio col N°6 (sie).
Via.via, altri ‘ssai veloci
Paolo Deschi
(compagno mio de banco al Nautico)
col N°10 (diese),
Marisa Milost (sua prima consorte),
col N°11 (undise);
a roda suo fradel Giorgio
col N°12 (dodise)
e Franco Montesi sul fil de lana
a pari merito
(lu e mi amici de fioi dal quaranta).
E tanti altri, senza conta,
rivai a tempo però
al traguardo,
come su ali oculte ai Campi Elisi
termine ultimo de la corsa.
